Sin lâm-sèng ê hok-siū
新男性的復仇

Choan-chi̍p
專輯：《真的假的！？》

Sû / Táng-sū-tiúⁿ Ga̍k-thoân
詞／董事長樂團 (The Chairman)
Khiok / Táng-sū-tiúⁿ Ga̍k-thoân
曲／董事長樂團 (The Chairman)

Siūⁿ-khí lí ê àm-mî, chi̍t ê lâng tiàm chhù-lāi khùn–bōe-khì
想起你的暗暝，一个人踮厝內睏袂去
Góa kah lí í-keng kúi-lō nî, lo̍h-hō͘ sî tio̍h ē bāng-kìⁿ lí
我佮你已經幾若年，落雨時就會想起你
Kóng hó boaih koh siūⁿ lí, boaih koh ài lí, boaih koh ko-ko-tîⁿ
講好無愛閣想你，無愛閣愛你，無愛閣膏膏纏
Ūi-siáⁿ-mi̍h it-ti̍t siūⁿ-khí, it-ti̍t pàng-bōe-lī
為啥物一直想你，一直放袂離
Bêng chai-iáⁿ lí sī chi̍t ê bô-chêng ê lâng, phiau-lōng ê kò-sèng
明知影你是一个無情的人，漂浪的個性
Ūi-chóaⁿ-iūⁿ, ūi-chóaⁿ-iūⁿ…
為怎樣，為怎樣…

(Kháu-pe̍h khai-sí)
（口白開始）
Lâm: Chò tio̍h lâm-sèng, iàu-kín thâu chi̍t chân, chiū-sī ū chì-khì.
男：做就男性，要緊頭一層，就是有志氣。
Gún sit-chì ê sî-hāu, siū lâng thí-jio̍k*, pī só͘ ài ê lâng pàng-sak, chi̍t-sî siūⁿ-beh kai-koat sit-loân ê thòng-khó͘.
阮失志的時陣，受人恥辱，被所愛的人放捒，一時想欲解決失戀的痛苦。
Siau-ke̍k ê lâng ū–ê chū-sat, ū–ē siong-hāi tùi-chhiú.
消極的人有的自殺，有的傷害對手。
Lí khòaⁿ–neh, múi-ji̍t ê sin-bûn pò-chóa siōng, lóng siá tio̍h ài kah hūn, to̍k-sat, hiong-sat, chū-sat ê kí-sū.
你看呢，每日的新聞報紙上，攏寫著愛佮恨，毒殺、兇殺、自殺的記事。
Si̍t-chāi hit-khoán sī chin gōng ê lâng!
實在彼款是真戇的人！
Ah, ū-iáⁿ, góa sī lâi chiú-tiûⁿ lim chiú, soah lâi kóng tio̍h chit khoán bô chhù-bī ê ōe…
啊，有影，我是來酒場啉酒，煞來講這款無趣味的話…

Lú: Lí chit ūi lâng-kheh, chhiáⁿ lí m̄-thang án-ne kóng. Che sī si̍t-chāi-ōe.
女：你這位人客，請你毋通按呢講。這是實在話。
Gún thiaⁿ tio̍h chin ū chhù-bī–ê–kóng.
阮聽著真有趣味的講。
Haⁿh? Khòaⁿ–lâi lí sī chi̍t ūi chin phiau-phiat ê lâm-chú.
唅？看來你是一位真飄撇的男子。
Lí kám iā ē hō͘ cha-bó͘-lâng pàng-sak sī–m̄?
你敢也會予查某人放捒是毋？

Lâm: Sī, in-ūi saⁿ nî chêng, in-ūi saⁿ nî chêng… góa hō͘ chi̍t ê lú-sèng lâi kā góa pàng-sak.
男：是，因為三年前，因為三年前…我予一个女性來共我放捒。
Siū tio̍h cheng-sîn ê táⁿ-kek, eng-kai sī chū-sat–khì–ah.
受著精神的打擊，應該是自殺去矣。
Tān-sī góa chài kái-piàn tio̍h jîn-seng-koan, tòng-chòe sit-loân sī chi̍t chiòng hó keng-giām.
但是我再改變著人生觀，當做失戀是一種好經驗。
Só͘-í góa hùn-hoat, ló͘-le̍k, chiah ū-thang lâi chit ê chiú-tiûⁿ lim chiú, kah lí se̍k-sāi.
所以我奮發、努力，才有通來這个酒場啉酒、佮你熟似。

Lú: Ho͘h? Saⁿ nî chêng hō͘ lâng pàng-sak–khì, sī–m̄?
女：謼？三年前予人放捒去，是毋？
Ah, ū-iáⁿ! Lí chit ūi lâng-kheh, m̄-chai siáⁿ-mih tōa-miâ–no͘h?
啊，有影！你這位人客，毋知啥物大名呢？

Lâm: Góa sió-sèⁿ sèⁿ Lîm, Lîm Chheng-hôa tio̍h sī góa pún-sin.
男：我小姓姓林，林清華就是我本身。

Lú: Haⁿh? Lîm Chheng-hôa? Lîm Chheng-hôa sian-siⁿ chiū sī lí?
女：唅？林清華？林清華先生就是你？
Ooh! Gún chìn hoaⁿ-hí. Lí sī chin chhut-miâ ê lâng.
喔！阮盡歡喜。你是真出名的人。
Gún kin-àm ē-tàng kā lí phōaⁿ-chiú, ta̍k-ke se̍k-sāi, gún si̍t-chāi sī chin kong-êng–lah!
阮今暗會當共你伴酒，逐家熟似，阮實在是真光榮啦！
(Kháu-pe̍h kiat-sok)
（口白結束）

Kóng hó boaih koh siūⁿ lí, boaih koh ài lí, boaih koh ko-ko-tîⁿ
講好無愛閣想你，無愛閣愛你，無愛閣膏膏纏
Ūi-siáⁿ-mi̍h it-ti̍t siūⁿ-khí, it-ti̍t pàng-bōe-lī
為啥物一直想你，一直放袂離
Bêng chai-iáⁿ lí sī chi̍t ê bô-chêng ê lâng, phiau-lōng ê kò-sèng
明知影你是一个無情的人，漂浪的個性
Ūi-chóaⁿ-iūⁿ, ūi-chóaⁿ-iūⁿ…
為怎樣，為怎樣…

(Kháu-pe̍h khai-sí)
（口白開始）
Lâm: Kím-siù, lí ê miâ kiò-chòe Kím-siù, si̍t-chāi hō-tit chin hó miâ!
男：錦秀，你的名叫做錦秀，實在號得真好名！
Kím-siù, góa kin-àm ū tòa tio̍h chi̍t tiuⁿ siòng-phìⁿ, chiū sī saⁿ nî chêng sit-gia̍p, hō͘ lâng pàng-sak ê sî-chūn só͘ hip ê siòng-phìⁿ.
錦秀，我今暗有帶著一張相片，就是三年前失業、予人放捒的時陣所翕的相片。
Hit-sî, góa sī bô chhùi-chhiu, bô kòa* tio̍h ba̍k-kiàⁿ, jî-chhiáⁿ sin-thé tì-pēⁿ, bīn-bah siau-sán, choân-jiân kah chit chūn ê bīn-hêng bô sio-kāng.
彼時，我是無喙鬚，無掛著目鏡，而且身體致病、面肉消瘦，全然佮這陣的面形無相仝。
Chit tiuⁿ siòng, lí khòaⁿ khah chim-chiok–leh*!
這張相，你看較斟酌咧！

Lú: Haⁿh? Chit tiuⁿ siòng… chit tiuⁿ siòng tio̍h sī lí… lí, lí tio̍h sī Bêng-hôa!
女：唅？這張相…這張相就是你，你就是明華！

Lâm: Ha ha ha hah! Kím-siù, m̄-sī, A-thô~
男：哈哈哈哈！錦秀，毋是，阿桃～

Lú: Haⁿh?
女：唅？

Lâm: Bián tio̍h-kiaⁿ. Kin-jit lâi chiú-tiûⁿ lim chiú, m̄ sī góa ê bo̍k-te̍k.
男：免著驚。今日來酒場啉酒，毋是我的目的。
Góa sī choan-kang beh–lâi chhōe–lí —
我是專工欲來揣你——
Chit saⁿ nî lâi, tó͘ tio̍h lâm-chú ê chì-khì, kiàn-siat tio̍h góa ê tē-ūi, soan-thoân góa ê miâ-siaⁿ, lī-iōng tio̍h góa ê sêng-kong kah hoat-tián, kin-jit choan-kang beh–lâi pò-ho̍k–lí–lah!
這三年來，賭著男子的志氣，建設著我的地位，宣傳我的名聲，利用著我的成功佮發展，今日專工欲來報復你啦！
Kím-siù, m̄-sī, A-thô, lâm-sèng úi-tāi ê le̍k-liōng, lí sī éng-oán m̄-thang bōe-kì–ti̍t tio̍h hó! Lí chhiáⁿ!
錦秀，毋是，阿桃，男性偉大的力量，你是永遠毋通袂記得著好！你請！

Lú: Haⁿh~ Chhiáⁿ tán–leh, chhiáⁿ tán–leh! Bêng-hôa, Bêng-hôa!
女：唅～請等咧，請等咧！明華，明華！

Lâm: Siáⁿ-mih? Ài chîⁿ sī–m̄*? Hit kha phôe-siuⁿ, hit kha phôe-siuⁿ lóng-chóng thê–khì–lah!
男：啥物？愛錢是毋？彼跤皮箱，彼跤皮箱攏總提去啦！

Lú: Bêng-hôa, chhiáⁿ tán–leh! Bêng-hôa, Bêng-hôa~~!
女：
(Kháu-pe̍h kiat-sok)
（口白結束）

Kóng hó boaih koh siūⁿ lí, boaih koh ài lí, boaih koh ko-ko-tîⁿ
講好無愛閣想你，無愛閣愛你，無愛閣膏膏纏
Ūi-siáⁿ-mi̍h it-ti̍t siūⁿ-khí, it-ti̍t pàng-bōe-lī
為啥物一直想你，一直放袂離
Bêng chai-iáⁿ lí sī chi̍t ê bô-chêng ê lâng, phiau-lōng ê kò-sèng
明知影你是一个無情的人，漂浪的個性
Ūi-chóaⁿ-iūⁿ, sī ūi-chóaⁿ-iūⁿ…
為怎樣，是為怎樣…

Kóng hó boaih koh siūⁿ lí, boaih koh ài lí, boaih koh ko-ko-tîⁿ
講好無愛閣想你，無愛閣愛你，無愛閣膏膏纏
Ūi-siáⁿ-mi̍h it-ti̍t siūⁿ-khí, it-ti̍t pàng-bōe-lī
為啥物一直想你，一直放袂離
Bêng chai-iáⁿ lí sī chi̍t ê bô-chêng ê lâng, phiau-lōng ê kò-sèng
明知影你是一个無情的人，漂浪的個性
Ūi-chóaⁿ-iūⁿ, ūi-chóaⁿ-iūⁿ…
為怎樣，為怎樣…

參考資料

https://www.kkbox.com/tw/tc/song/N.p2XWL080-ClUb4BUb4B0P4-index.html